ಕರಗುತ್ತ ಪ್ರಜ್ವಲಿಪ ನಾನು ಜ್ಯೋತಿ
ಉರಿಯುತ್ತ ಕರಗಿದರು ನನಗದುವೆ ತೃಪ್ತಿ
ಬೇಡುವೆನು ದೇವರಲಿ ಜಗದಗಲ ವ್ಯಾಪ್ತಿ ||
ಕತ್ತಲಲಿ ಮೂಡಿಸುವೆ ಬೆಳಕಿನ ಅಸ್ಥಿತ್ವ
ಮನದ ಕತ್ತಲೆಯನು ನೂಕುವೆಯಾ ನಿತ್ಯ
ಜಗವೆ ಮುಖ ಮಾಡಿಹುದು ಬೆಳಕಿನತ್ತ
ಅದ ಕಳೆದ ಮೇಲೆ ಎಲ್ಲವೂ ಮೌನದತ್ತ ||
ಲವಲೇಷ ತೋರುವುದು ಇರುವಷ್ಟು ಹೊತ್ತು
ಆರಿಹೋದರೇನು ಮರಳಿ ಮೂಡುವುದು ಹೊತ್ತು
ತಾನುರಿದು ಜಗವನ್ನೆ ಬೆಳಗಿಸುವ ಬತ್ತಿ
ಈ ಮಾಯೆಯಲಿ ಇದುವೆ ಪ್ರತ್ಯಕ್ಷ ಶಕ್ತಿ ||
- ಚರಣ್ ರಾಜ್ ಯಡಾಡಿ
ಪದಗಳ ಅರ್ಥ
1. ಪ್ರಜ್ವಲಿಪ = ಪ್ರಕಾಶಿಸುವ
2. ವ್ಯಾಪ್ತಿ = ವಿಶಾಲತೆ
3. ಅಸ್ಥಿತ್ವ = ಇರುವಿಕೆ
4. ಲವಲೇಷ = ಉಳಿದ ಭಾಗ, ಶೇಷ, ಉಳಿಕೆ
5. ಪ್ರತ್ಯಕ್ಷ = ಕಣ್ಣಿಗೆ ಕಾಣುವ, ನೇರ
👍🏻🙏🏽
ಪ್ರತ್ಯುತ್ತರಅಳಿಸಿ